ncell long ad

पीएनजी विरुद्धको दोस्रो खेलमा नेपाल १५१ रनले विजयी

ncell long ad

काठमाडौं । पीएनजी विरुद्धको दोस्रो खेलमा नेपाल १५१ रनले विजयी भएको छ । गएराति भएको खेलमा नेपाल विजयी भएको हो ।

एकदिवसीय क्रिकेटमा नेपालले पहिलो पटक कुनै पनि टिमविरुद्ध यति ठूलो रन अन्तरले जित हात पारेको हो । नेपालको कीर्तिमानी जितबारे विभिन्न विदेशी सञ्चारमाध्यमले पनि समाचार प्रकाशित गरेका छन् ।

पीएनजीजविरुद्धको दोस्रो खेलमा पनि युवा ब्याट्सम्यान रोहितकुमार पौडेलले उत्कृष्ट ब्याटिङ गरे । सस्तैमा दुई विकेट गुमाएको नेपालको पारी रोहित र कप्तान ज्ञानेन्द्र मल्ले सम्हाले । यो जोडीबीच तेस्रो विकेटका लागि ८९ रनको साझेदारी बन्यो ।

रोहितले नेपाललाई फराकिलो जित दिलाउन अहम् पारी खेले । उनले १२३ बलमा तीन छक्का र दुई चौकासहित ८६ रन बनाए । अघिल्लो खेलमा रोहितले सर्वाधिक ४१ रन बनाएका थिए ।

पीएनजीजसँगको दोस्रो म्याच जिताउन पनि सन्दीपको भूमिका महत्वपूर्ण रह्यो । उनले ५.१ ओभरमा ११ रन दिएर ६ विकेट लिए ।

एकदिवसीय क्रिकेटमा यो सन्दीपको करियरकै उच्च बलिङ प्रदर्शन हो । यसअघि यो प्रारूपमा उनको उत्कृष्ट बलिङ १६ रन दिएर ६ विकेट लिनु थियो ।

पीएनजीसँगको दोस्रो खेलमा नेपाल १५१ रनले विजयी भयो । गएराति भएको खेलमा नेपालले पीएनजीमाथि कीर्तिमानी जित हासिल गरेको हो ।

हालसम्म नेपालले एकदिवसीय क्रिकेटमा कुनै पनि टिमविरुद्ध यति फराकिलो रन अन्तरले जित हात पारेको थिएन । पीएनजीलाई फराकिलो रनअन्तरले हराएपछि सन्दीपले प्रतिक्रिया दिएका छन् ।

‘पीच ब्याटिङ अनुकूल नै थियो । बलिङमा सुरूदेखि नै सोमपाल र विक्रम दाईले ब्याट्सम्यानलाई दबाबमा राखे,’ उनले भने, ‘ड्यू फ्याक्टर नुहँदा स्पिनरलाई पनि बलिङ गर्न सहज भयो ।’

सन्दीपले पीएनजीसँगको दुई म्याचमा गरेको उत्कृष्ट प्रदर्शनले ओमान र अमेरिकासँगको त्रिकोणात्मक सिरिजमा हौसला बढाएको पनि बताए ।

‘आउने खेलहरूका लागि पीएनजीसँगको दुई म्याचले ऊर्जा दिनेछ । रोहित र ज्ञानेन्द्र दाईबीच भएको साझेदारीले टिमलाई महत्वपूर्ण फाइदा मिल्यो,’ उनले भने, ‘अन्तिममा करण दाईले राम्रो फिनिसिङ गर्नुभयो । नेपालले प्रतिस्पर्धात्मक लक्ष्य दिएपछि हामीहरूलाई पनि बलिङ गर्न सहज भयो ।’

सन्दीपले पीएनजीसँगको दुई खेलमा कूल १० विकेट लिए । उनले पहिलो खेलमा १० ओभरमा ३५ रन दिएर ४ विकेट लिएका थिए ।


२७ भदौ २०७८, आइतवार १५:०७ बजे प्रकाशित

ncell long ad

प्रतिक्रिया दिनुहोस्

ncell long ad

सम्बन्धित शीर्षकहरु